【經濟通2012-01-06】《笑傲缸湖》巴菲特將亮相央視春晚向同胞「恭喜發財」！？

《笑傲缸湖》巴菲特將亮相央視春晚向同胞「恭喜發財」！？

　　《笑傲缸湖》每一年嘅央視春晚，被譽為係全球最多人收睇嘅電視節目，唔少藝人、知名人
士都以出席春晚為榮，電視廣告更加係一秒千金。
　　今年春晚又有乜嘢大人物上去表演？盈盈收到風，話春晚搞手已經搵到美國股神巴菲特「站
台」。巴菲特雖然係股神，但佢上春晚並唔係表演「揀股票」，據聞佢會喺美國錄一段自彈（吉
他）自唱嘅片段，擺喺春晚都錄播，話唔定唱完首歌仲會用普通話講句「恭喜發財」添！
　　不過由全球首富把口恭喜同胞發財，會唔會係幽人一默呢？《任盈盈》

　　《編者按》本欄搜羅即市傳聞，惟消息未經証實，《經濟通》亦不保證內容之準確性。